په ایم کیو ایم پاکستان کې یو ځل بیا سخت اختلافات راپورته شوي دي.

باغي ټي وي رپورټ

په ایم کیو ایم پاکستان کې تر سختو اختلافاتو وروسته یو شمېر مهمو مشرانو د ګوند پرېښودو ګواښ کړی، په داسې حال کې چې د سې شنبې په ورځ د ډاکټر فاروق ستار مطبوعاتي کنفرانس هم په ناڅاپي ډول ځنډول شوی دی.

سرچينې وايي چې د ايم کيو ايم يو مهم مشر چې په کراچۍ کې يې په مهمو پوستونو کار کړى دى په ځينو مهمو مسايلو سخت تحفظات لري، د پيپلز پارټۍ د يوې مهمې ښځينه مشرې سره د هغه د ملاقات خبرونه هم ګرم دي. .

داسې هم ویل کیږي چې نوموړي له خپلو یو شمېر همکارانو سره په پي پي کې د شاملیدو ګواښ کړی دی.

د شنبې په ورځ د همغږۍ د کمېټې په غونډه کې هم د ګوندي اختلافاتو پر سر د تودو بحثونو نښې لیدل کېږي.