پخواني لومړي وزیر په بټګرام کې په چیر لفټ کې د 8 کسانو ژغورلو لپاره د پاکستان د پوځ ټیم ته خراج تحسین وړاندې کړ.

باغي ټي وي رپورټ

په ټويټر خپل يو بيان كښې شهباز شريف وئيلي دي چې دا يو ستونزمن، صبر او عصبي ريسکيو اپريشن وو، د جي او سي او ايس ايس جي ټيم ته سلام وړاندې كوم۔

هغه وويل، چې د سيمې خلکو له ادارې سره چې کومه مرسته کړې، د ورورولۍ يوه ستره بېلګه ده، دا پېښه هم د دې لپاره يو درس دى، چې د ماشومانو تعليم او په دې سيمو کې د بنسټيزو تاسيساتو پراختيا ته پاملرنه وشي.

شهباز شريف وويل په اړوندو سيمو کې دې د چيئر لفټونو معاينه او ترميم دې په فوري توګه وشي.

بل لوري ته د مسلم ليګ (ن) مشرې مريم نواز وئيلي دي چې ولس د سپيشل سروسز ډلې، د پاکستان پوځ او مقامي انتظاميې مننه کوي.

مريم نواز وئيلي دي چې په خصوصي توګه د ماشومانو والدينو ته مبارکي وړاندې کوم.

د دې تر څنګ حمزه شهباز وويل چې قوم په دغو زړورو کسانو وياړي چې په دې غرنۍ سيمه کې يې د ژغورنې لپاره خپل ژوند په خطر کې واچاوه.

د جے يو آئي (ف) مشر مولانا فضل الرحمان وئيلي دي چې کوم قومي مشرانو چې په بهادرۍ کښې د ګېر شوي ځوانانو په راويستلو کښې زړورتيا ښودلې هغوي ښه کار کوي.