صدر عارف علوي وئيلي دي چې په 5م اګست 2019م په مقبوضه کشمير کې د هندي انتظاميې لخوا د متنازعه سيمې قبضه کولو او د کشمير کردار ختمولو لپاره اقدامات شوي دي.

باغي ټي وي رپورټ

د کشمير د استحصال د ورځې 4 کاله پوره کېدو په موقع صدر عارف علوي وئيلي دي چې د اګست په 5مه نېټه هند په مقبوضه جمو او کشمير کښې يو طرفه غيرقانوني کاروائي پېل کړې وه، هندوستان کوشش کوي چې نړۍ ته قناعت ورکړي چې جمو او کشمير يو يو دے. د هغې غیر متنازع برخه.

عارف علوي وویل دا هند و چې د جمو او کشمیر مسله یې امنیت شورا ته وړاندې کړه، په امنیت شورا کې د جمو او کشمیر متنازع حیثیت په نړیواله کچه په رسمیت پیژندل شوی و، کشمیریان د هند د هر ډول اقدام په وړاندې مقاومت کوي.

ده ووئيل د هند ټول حركات د كشميريانو د ازادۍ ارمان نه شي ختمولې، د كشميري اولس د حقونو نه د هند مسلسل انکار غلط او غير قانوني عمل دى، سفارتي دوه مخي د هند د رياستي ترهګرۍ حقيقت نه شي بدلولې۔

پاکستان په مقبوضه کشمير کې د هند ټول يو اړخيز او غيرقانوني اقدامات په کلکه ردوي: وزيراعظم

بل لوري ته وزيراعظم شهباز شريف وئيلي دي چې هند په لکونو غير کشميريانو ته جعلي ډوميسائيلونه جاري کړي، په موجوده ووټر ليسټونو کې دبدلون لپاره يې په لکونو موقتي اوسيدونکې اضافه کړي، پاکستان ټول يو طرفه او غيرقانوني گامونه ردوي.

ده ووئيل چې هند په كشمير كښې ظلمونو ته دوام وركوي٬ نړيواله ټولنه دې نور غلي پاتې نه شي۔

وزيراعظم ووئيل چې هند د اوو لسيزو راهسې د مقبوضه جمو او كشمير په اولس قبضه كړې ده ولې د دې باوجود هم هند د كشميري زړور ولس خاموشه كولو كښې پاتې راغلي دي٬ پاكستان زړور كشميريانو او ښځو ته سلام وړاندې كوي۔

شهباز شريف وويل پاکستان به دکشمير دخلکو دآزادۍ دجګړې اخلاقي، سياسي او سفارتي ملاتړ جاري ساتي، دجنوبي ايشيا خلک امن اؤ ثبات غواړي.