د سکواش ورلډ جونيئر چیمپئن حمزه خان تيره ورځ د آرمي چيف جنرل عاصم منير سره وليدل۔

باغي ټي وي رپورټ

په دې موقع د پوځ سرلښكر حمزه خان ته د هېواد لپاره د لويې لاسته راوړنې له امله مباركي وركړه.

دپوځ سرلښکر وويل مونږ ټول ستاسو په شان خلکو وياړو، ستاسو دغه ستر برياليتوب هم ددغه قوم دلويې استعداد څرگندونه کوي.

ده ووئيل پوځ به په هېواد كښې د ځوانو استعدادونو ملاتړ ته دوام وركوي٬ زمونږ ځوانان د دې هېواد راتلونكې دي٬ داسې كوم كار نشته چې پاكستان په توجه، لگن او محنت سره نه شي كولې۔

ياده دې وي چې په دې وروستيو ورځو کې پاکستاني لوبغاړي حمزه خان د نړيوال جونيئر سکواش سياليو په ګټلو سره تاريخ جوړ کړ، له ٣٧ کلونو وروسته پاکستاني لوبغاړي د جونيئر ورلډ جونيئر سياليو په ګټلو بريالي شوي دي.

د استرالیا په میلبورن ښار کې د روانو سیالیو په پای لوبه کې حمزه د مصر محمد زکریا ته درې-یو ماتې ورکړه، د حمزه خان د بریا نمرې ۱۲-۱۰، ۱۲-۱۴، ۳-۱۱ او ۶-۱۱ وې.