کندهار کي د سټنډرډ ملي اداره وايي د بېکیفیته تیلو د پلور اجازه هیچاته نه ورکوو.
20 مارچ دوشنبه 2023
کندهار کي د سټنډرډ ملي ادارې مسئولین د بېکیفیته تیلو د پلور اجازه هیچاته نه ورکوي، چي په خبره یې؛ تېرو دریو میاشتو کښي ۳۴۰۰ ټانکره تیل د سیلو ګمرک له لاري کندهار ته راغلي، چي له ډلي یې ۳۱۷۰ ټانکره د ښه کیفیت څخه برخمن وه؛ ولي د ۲۳۰ ټانکرونو کیفیت سم نه وو او پایله یې منفتي یا د سټنډرډ سره نه وه برابره.
د کندهار د سټنډرډ ملي ادارې آمر مولوي محبالله عزام وویل؛ دوی د یادو ۲۳۰ بېکیفیته ټانکرانو له ډلي همدلته له ۲۱۷ ټانکرانو سره نور تیل یوځای او پر سټنډرډ او معیار یې برابر کړل؛ ولي د پاته ۱۳ ټانکرونو د تصفیې مشینرۍ ته اړتیا درلوده، چي له ډلي اته ټانکرونه هرات ته واستول شول، ترڅو هلته د مشینرۍ په وسیله ښه تصفیه او پر سټنډرډ برابر شي.
کندهار ښاریان او د ترافیکي وسایلو چلوونکي کندهار کي د بېکیفیته تیلو د مخنیوي په برخه کي د سټنډرډ ملي ادارې د کارونو او فعالیتونو ستاینه کوي او وايي؛ د پخوا په پرتله اوس کندهار کي تر ډېره د بېکیفیته تیلو مخه نیول شوې.
اړوند موضوعات
سټنډرډ ملي ادارې فراه بندر کې ۱۲ ټانکر بې کیفیته ډیزل تیل ایران هیواد ته ستانه کړي.
د یادولو وړ ده، چي په دې وروستیو کښي د بېکیفیته تیلو د ارزوني لړۍ د ټول هیواد په کچه خورا په جدي ډول روانه ده، چي له کبله یې په لسګونه ټانکره بې کیفیته تیل بیرته ایران هیواد ته هم استول شوي.
Leave a Reply