د افغانستان او تاجکستان د بریښنا شرکتونو تر منځ د برېښنا د تورید تړون لاسلیک او تمدید شو.

د افغانستان او تاجکستان د بریښنا شرکتونو تر منځ د برېښنا د تورید تړون لاسلیک او تمدید شو.

10 جنوري 2023

د افغانستان اسلامي امارت د اوبو او انرژۍ وزارت له لورې په یوه تازه خپره شوې خبرپاڼه کې راغلي چې د یاد وزارت او د افغانستان د بریښنا شرکت پلاوي ترکیه کې د تاجکستان د بریښنا شرکت له مسؤلینو سره وکتل او د ۲۰۲۳ میلادي کال لپاره د افغانستان ته د بریښنا تورید لاسلیک شو.

خبر زیاتوي: نن د افغانستان برېښنا شرکت او د تاجکستان برېښنا ملي شرکت (شرکت برق تاجک) تر منځ افغانستان ته د 2023 م کال لپاره د تاجکستان د برېښنا د تورید تړون تمدید شو.

خبر زیاتوي: یاد تړون په داسې حال کې چې د افغانستان اسلامي امارت د اوبو او انرژي سرپرست وزیر ملا عبداللطیف منصور هم حضور درلود د افغانستان برېښنا شرکت د اجرائیوي رئیس ملا محمد حنیف “حمزه” او د تاجکستان برېښنا ملي شرکت (شرکت برق تاجک) د رئیس ښاغلي محمد عمر عسازاده تر منځ لاسلیک شو.

اړوند موضوعات

اوبو او انرژۍ وزارت وایي له ازبکستان هیواد سره یې د بریښنا قرارداد د ۲۰۲۳ کال لپاره تمدید کړی.

یاده دې وي چې څو ورځې وړاندې د یاد امارتي پلاوي له لورې د ازبکستان د بریښنا شرکت سره هم د بریښنا تړون لاسلیک کړی و.

حماد شیرزاد