چین امریکا ته: باید د افغانستان ارضي تمامیت ته درناوی وکړئ

چین امریکا ته: باید د افغانستان ارضي تمامیت ته درناوی وکړئ

د چین د بهرنیو چارو وزارت ویلي چې امریکا باید د افغانستان ارضي تمامیت ته درناوی وکړي او له داسې کړنو لاس پر سر شي چې د دغه هېواد د ارضي تمامیت او خپلواکۍ نقض بلل کېږي.

(2021 / 9 / 30  نېټه باغي ټلویزیون)

د چین د بهرنیو چارو وزارت ویلي چې امریکا باید د افغانستان ارضي تمامیت ته درناوی وکړي او له داسې کړنو لاس پر سر شي چې د دغه هېواد د ارضي تمامیت او خپلواکۍ نقض بلل کېږي.

د یاد وزارت ویاندې هوا چونینګ یو مطبوعاتي کنفرانس ته ویلي چې امریکا ته په کار ده چې په افغانستان کې له پوځي مداخلې ډډه وکړي، په زور خپله اراده پر نورو تحمیل نه کړي او دغه راز دې خلک د بدبختۍ او غمونو کندې ته نه ټېل وهي.

د یادونې ده چې د ا.ا.ا څو ورځې وړاندې وویل چې د امریکا بې پیلوټه الوتکې افغانستان ته راځي او دا یې د هغو ژمنو خلاف عمل بللی چې له دوی سره یې په دوحه کې کړې دي خو امریکا وایي دوی له ترهګرۍ سره د مبارزې برخه کې د چا اجازې ته اړتیا نه لري.