پمپیو: امریکا به افغانستان کې د بایډن د ناسم مدیریت له امله ستره بیه پرې کړي

پمپیو: امریکا د افغانستان کې د بایډن د ناسم مدیریت له امله ستره بیه پرې کړي

د امریکا د بهرنیو چارو پخواني وزیر مایک پمپیو په خپلو تازه څرګندونو کې ویلي چې د امریکا د اوسني ولمسشر جوبايډن افغانستان کې د غلط مدیریت له امله به امریکا ستره بیه پرې کړي.

(2021 / 9 / 30  نېټه باغي ټلویزیون)

د امریکا د بهرنیو چارو پخواني وزیر مایک پمپیو په خپلو تازه څرګندونو کې ویلي چې د امریکا د اوسني ولمسشر جوبايډن افغانستان کې د غلط مدیریت له امله به امریکا ستره بیه پرې کړي.

د پمپیو په وینا چې موږ له طالبانو سره د افغانستان پر سر سمې هوکې ته رسېدلي وو او ټاکل شوې وه چې خپل ټول ديپلوماتان، اتباع لو ځواکونه په منظمه توګه له افغانیتان څخه وباسو؛ خو جوبایډن دا کار په غیر منظم ډول وکړ او د ډیرو خلکو د وژلو سبب شو.

نوموړي زیاته کړې ده چې بایډن حتا د خپلو نیږدې ملګرو مشورې او خبرو ته هم غوږ ونه نیوۀ او دغومره لویه پرېکړه یې پر یوازې ځان وکړه.

پمپیو ویلي چې دا هرڅه همدلته نه خلاصېږي، ځکه د دۀ په وینا امریکا به د بایډن د غلطیو له امله په راتلونکي کې د دغه ناکام مدیریت ستره بیه پرې کړي.

تر دې وړاندې پخواني ولسمشر ټرمپ هم  په جوبایډن توندې نیوکې کړې وې او د دۀ مدیریت یې د امریکا د ماتې لامل ګڼلی ؤ؛ خو د بایډن اداره بیا هر وخت له خپلې دغې پرېکړې دفاع کوي او وايي چې د ځواکونو وتل له افغاستان څخه د امریکا د ملي ګتو لپاره ؤ.