د منځني ختیځ او منځنۍ آسیا لپاره د آیی ایم ایف مشر جهاد آزور پاکستان کښې د سیلاب په زیانونو د خواشینې څرګندونه کړې

باغي ټي وي رپورټ
امریکا واشنګټن کې د منځني ختیځ او منځنۍ اسیا لپاره د پیسو نړیوال صندوق (آی ایم ایف) مشر جهاد ازور رسنیو ته د وینا پر مهال وویل، چې پر توکو سبسایډي هېڅکله ګټوره نه ده او دا هیڅ کله هم ښه کار نه دې چې په توکه سبساډي ورکړل شي.

د ائي اېم اېف مشر وويل د پاکستان پشمول د نورو ملکونو نه يې غوښتي چې د سبسډي په ځاي وسائل استعمال کړي، دا د آئي ايم ايف شرطونه نه دي بلکې د افراطيت په دور کې د ضرورت مندانو د مرستې لاره ده.
جهاد ازور وويل په پاکستان کې دسيلابونو له امله په ځاني زيان افسوس دى، ائي ايم ايف په دغه سخت وخت کې دپاکستان ملاتړ کوي اؤ په دې لړ کې د ائي ايم ايف پروگرام هم غځول شوى دى.

نوموړي وويل، چې د سېلابونو د زيانونو د ارزونې په راپور کې به مالي او اقتصادي وضعيت معلوم شي، له ارزونې وروسته به معلومه شي، چې له دولت سره څه ډول مرسته کېږي.
د IMF مشر وویل چې د تمدید پروګرام به پاکستان سره د کوویډ څخه وروسته وضعیت سره معامله وکړي او د بیاکتنې چمتووالی به بشپړ شي.

پاکستان په دې وروستیو کې د دې پروګرام بیاکتنه بشپړه کړه، چې وروسته یې 1.2 ملیارد ډالر ورکړل شول، تمه ده چې د راتلونکې بیاکتنې لپاره چمتووالی په نومبر کې بشپړ شي.