د امریکا دفاع وزیر او لوی درستیز به د امریکا سنا مجلس ته د افغانستان په اړه ځواب ووایي

د امریکا دفاع وزیر او لوی درستیز به د امریکا سنا مجلس ته د افغانستان په اړه ځواب ووایي

ټاکل شوې راتلونکې اونۍ د امریکا دفاع وزیر او لوی درستیز د امریکا سنا مجلس ته له افغانستان نه د ځواکونو ویستلو په اړه ځواب ووایي، دوی یاد مجلس ته استحضاء شوي دي چې باید ورته ځواب ویونکي شي.

(2021 / 9 / 24  نېټه باغي ټلویزیون)

ټاکل شوې راتلونکې اونۍ د امریکا دفاع وزیر او لوی درستیز د امریکا سنا مجلس ته له افغانستان نه د ځواکونو ویستلو په اړه ځواب ووایي، دوی یاد مجلس ته استحضاء شوي دي چې باید ورته ځواب ویونکي شي.

دا چې له دغو دوو لوړ پوړو چارواکو به امریکايي سناتوران څه ډول پوښتنې کوي جوته نده؛ خو تر دې وړاندې یو شمېر سناتورانو او امریکايي لوړ پوړو چارواکو له افغانستان څخه د امریکايي ځواکونو وتلو په هکله توندې نیوکې کړې وې.

د امریکا پخواني ولسمشر ډونالډ ټرمپ ویلي ؤ چې د بايډن کمزورې مدیریت او غلطې پالیسۍ له امله امریکا په افغانستان کې شرموونکې ماته وخوړه.

د امریکا پخواني د بهرنیو چارو وزیر مایک پمپیو بیا ویلي ؤ چې له افغانستان څخه د امریکايي ځواکونو وتل د امریکا پر ماتې دلالت کوي او دغې ماتې د امریکا باور په نړیواله کچه زیانمن کړ.

د چین د بهرنیو چارو وزیر بیا ویلي ؤ چې امریکا په افغانستان کې ماته شوه او اوس امریکا نباید د زبر ځواکۍ دعوه ولري.

ټاکل شوې چې د امریکا سنا مجلس هم له دغو لوړ پوړو چاوراکو له افغانستان څخه د امریکايي ځواکونو په غیر مسؤله توګه وتلو هم ځواب وغواړي، خو  د امریکا لوړ پوړو چارواکو او رئیس جمهور بیا له افغانستان څخه د ځواکونو وتل ماته نه، بلکې اړتیا ګڼلې ده.