ملګري ملتونو پۀ جي شل هېوادونو غږ کړی چې د افغانانو ژوند دې وژغوري 

ملګري ملتونو پۀ جي شل هېوادونو غږ کړی چې د افغانانو ژوند دې وژغوري 

تر دې وړاندې جي شل هېوادونو د افغانستان په اړه دوه مجازي کنفرانسونه جوړ کړي دي چې د میلیونونه ډالرو مرستې ژمنه یې کړې ده، خو ملګري ملتونه وایي دا مرستې یې تر دې دمه په بشپړه توګه نه دي ترلاسه کړې.

(2021 / 10 / 31  نېټه باغي ټلویزیون)

بشپړ راپور  

ملګري ملتونه وايي د نړۍ شل صنعتي هېوادونه دې له میلیونونه اړمنو افغانانو سره د پراخو بشري مرستو ژمنه وکړي.

د ملګرو ملتونو د عمومي منشي مرستیال په تازه څرګندونو کې ویلي چې دمګړی اتلس میلیونه افغانان بېړنیو بشري مرستو ته اړتیا لري او شاوخوا لس میلیونه افغانان د څښاک پاکو اوبو ته لاسرسی نه لري.

اړوند موضوعات: 

جي-۲۰ هېوادونه نن د افغانستان په اړه غونډه کوي

سرچینه وایي، په وروستیو څلورو کلونو کې دا دویمه وچکالي ده چې افغانستان ځپي او د ناوړه بشري ناورین د رامنځ ته کېدو احتمال یې ډېر کړی دی.

ملګرو ملتونو د جي شل پر غړو هېوادونو غږ کړی چې عملا دې له افغانستان سره د پراخو بشري مرستو لپاره مټې بډ وهي او د میلیونونه وګړو ژوند دې وژغوري.

تر دې وړاندې جي شل هېوادونو د افغانستان په اړه دوه مجازي کنفرانسونه جوړ کړي دي چې د میلیونونه ډالرو مرستې ژمنه یې کړې ده، خو ملګري ملتونه وایي دا مرستې یې تر دې دمه په بشپړه توګه نه دي ترلاسه کړې.