د ریاست الوزرا اداري مرستیال د افغانستان لپاره د جاپان سفیر سره د مخه ښې او نوي سفیر سره تعارفي لیدنه ترسره کړی.
د ریاست الوزرا اداري مرستیال د افغانستان لپاره د جاپان سفیر سره د مخه ښې او نوي سفیر سره تعارفي لیدنه ترسره کړی.
16 اکتوبر دوشنبه 2023
د ریاست الوزراء له عمومي دفتره په یوه تازه خپره شوې خبرپاڼه کې راغلي چې د یاد ریاست اداري مرستیال مولوي عبدالسلام حنفي تیره ورځ مازدیګر د افغانستان لپاره د جاپان سفیر ښاغلي تاکاشي اوکاډا سره د مخه ښې کتنه وکړه.
په دې کتنه کې چې په ارګ کې وشوه او د افغانستان لپاره د جاپان نوي سفیر ښاغلي تاکویوشي کورمایا هم حضور درلود، د ریاست الوزرا اداري مرستیال د ماموریت پر مهال د ښاغلي تاکاشي اوکاډا ارزښتناک خدمتونه او له افغانستان سره د هغه هیواد د خلکو او حکومت د مرستو مننه وکړه وې ویل، جاپان تل په افغانستان کې د سولې او ثبات پلوی دی او زموږ د خلکو ترڅنګ درېدلی دی.
د ریاست الوزرا اداري مرستیال مولوي عبدالسلام حنفي دېته په اشارې چې افغان ملت تل له جاپان سره د نېکو او ښو اړیکو غوښتونکی دی، په افغانستان کې د ډاکتر ناکامورا د کړنو یادونه وکړه وې ویل، نوموړی زموږ د خلکو ترمنځ ښه شهرت لري او د هغه د کړنو او فعالیتونو ستاینه کوي.
نوموړي زیاته کړه، د اسلامي امارت په حاکمیت سره د نشه یي توکو د کر، قاچاق، تولید او استعمال مخنیوی شوی او سراسري امنیت تامین شوی، چې په نړۍ یې هم خپلې مثبتې اغېزې لرلې دي.
د ریاست الوزرا اداري مرستیال له جاپان څخه وغوښتل چې په افغانستان کې په مختلفو په ځانګړي ډول د کانونو د استخراج او ټکنالوژۍ په برخو کې پانګونه وکړي.
په مقابل کې ښاغلي تاکاشي اوکاډا په هرات کې د وروستیو زلزلو او بغلان جومات کې د چاودنې له امله په رامنځته شویو تلفاتو خواشیني وښوده او خپل د تسلیت مراتب یې وړاندې کړل وې ویل، د سره صلیب له لارې زلزله ځپلیو ته زموږ مرستې رسېدلې دي.
نوموړي زیاته کړه، موږ نړیوالې ټولنې ته د اسلامي امارت د نږدې کېدو لپاره دوامداره خبرې او هڅې کړې دي او د افغانانو ترڅنګ پاتې کېږو او خپلو مرستو ته به هم دوام ورکړو.
اړوند موضوعات
په دې کتنه کې، د افغانستان لپاره د جاپان نوي سفیر ښاغلي تاکویوشي هم خبرې وکړې او وې ویل، زموږ موخه یوازې له افغانانو سره مرسته ده او غواړو د اسلامي امارت په همکارۍ دغو اهدافو ته د رسېدو لپاره هڅه وکړو.
Leave a reply
